Mjaftojnë doza të vogla për të përfituar beton të cilësisë së lartë, hidrofob dhe vetëriparues!

Me dozimin prej 1 deri në 3 kg/m³ (në varësi të trashësisë së prerjes tërthore të betonit dhe klasës së betonit), Hidrofob Kristal e shndërron ujin nga armiku më i madh i konstruksioneve në mekanizmin kryesor aktivizues për mbrojtjen e tyre afatgjatë.

Çfarë paraqet HIDROFOB KRISTAL?

Aditiv në formë pluhuri, i certifikuar si aditiv për papërshkueshmëri nga uji, në përputhje me standardin EN 934-2: T9, i cili dozohet drejtpërdrejt në përbërësin e thatë të betonit, përpara përzierjes së tij, përkatësisht në shiritin transportues të agregatit.

Si funksionon ky mekanizëm „inteligjent“?

Pas ngurtësimit të betonit, përbërësit aktivë të aditivit mbeten joaktivë brenda matricës së betonit. Me kontaktin ose depërtimin e parë të ujit, ata reagojnë kimikisht me lagështinë dhe nënproduktet e procesit të hidratimit të çimentos, duke formuar kristale të patretshme në formë gjilpërash. Këto kristale bllokojnë fizikisht kapilarët dhe mikroçarjet në beton, duke penguar depërtimin e ujit. Në rast se shfaqen çarje të reja, aditivi riaktivizohet dhe ushtron të njëjtin efekt vetëriparues.

Cilat janë përfitimet kryesore dhe në cilat fusha gjen zbatim?

„Vetëriparimi „ autonom (Self-healing): Mundëson mbushjen dhe mbylljen e përhershme të çarjeve në strukturën e betonit, me gjerësi deri në 0,5 mm, pa pasur nevojë për ndërhyrje të jashtme.

Siguri për sistemet e tipit „Vaskë e bardhë“: Ideal për objektet e groposura dhe nëntokësore, ku nuk parashikohet hidroizolim shtesë – themelet, garazhet nëntokësore, tunelet, muret mbajtëse, pishinat, pusetat, rezervuarët dhe objektet portuale.

Rezistenca ndaj mjediseve agresive dhe përputhshmëria me  EN 206: Pengon depërtimin e ujit dhe të substancave agresive (kripërave, klorureve dhe sulfateve), redukton procesin e karbonizimit dhe rrit qëndrueshmërinë e betonit ndaj ndikimit të ngricave dhe përqendrimeve të larta të CO₂. Duke mbyllur poret e betonit, në raste të caktuara, ndihmon drejtpërdrejt edhe në përmbushjen e kërkesave për klasa specifike të ekspozimit të betonit, në përputhje me standardin EN 206 (siç janë klasat XC1–XC4).

Si vërtetohen këto karakteristika në laborator?

Efikasiteti i produktit Hidrofob Kristal, në doza të ndryshme, është studiuar dhe vërtetuar në mënyrë të detajuar në kuadër të punimit shkencor të ekipit të ADING-ut, me titull „Hulumtimi i procesit të mbylljes së çarjeve dhe zvogëlimit të përshkueshmërisë së ujit te betonet vetëriparuese me aditivë kristalizues“.

Testimet gjithëpërfshirëse, të kryera në përputhje me standardet evropiane, kanë dëshmuar rezultatet e mëposhtme:

- Absorbimi kapilar i  ujit (sipas EN 480-5 dhe EN 934-2): Aditivi redukton absorbimin kapilar  të ujit për më shumë se 50% në krahasim me përzierjen referente, në përputhje me kërkesat e standardit EN 934-2, ndërsa testimet sipas EN 480-5 tregojnë një reduktim deri në 31% të sasisë së ujit të absorbuar te mostrat që paraprakisht kanë qenë në kontakt me ujin.

- Rezistenca ndaj depërtimit të ujit nën presion (sipas EN 12390-8): Testimet ciklike nën presion hidrostatik prej 500 kPa konfirmojnë se përshkueshmëria e betonit nga uji zvogëlohet vazhdimisht me çdo cikël pasues të ekspozimit ndaj ujit, si rezultat i rritjes progresive të kristaleve brenda poreve të betonit.

- Rezistenca në shtypje (sipas EN 12390-3) dhe mbyllja e çarjeve: Përveç rritjes së rezistencës përfundimtare në shtypje prej 5% deri në 7%, testet e rrjedhjes së ujit nëpër çarje dhe monitorimi vizual konfirmuan një reduktim të ndjeshëm të rrjedhjes së ujit brenda vetëm 14 ditëve, si dhe mbylljen e plotë të çarjes pas 28 ditësh ekspozimi ndaj ujit.

Me një dozim  minimal  prej 1 deri në 3 kg/m³ beton, ju siguroni mbrojtje të papërshkueshme nga uji, afatgjatë dhe aktive për konstruksionin tuaj.

Prospekti teknik për Hidrofob Kristal

Shikoni videon për mënyrën e veprimit dhe të zbatimit.

Lexoni punimin e plotë shkencor.